سماء المنصورة تمطر ثلجاً
الحمد لله و كفى و صلاةً و سلاماً على عباده الذين اصطفى ثم أما بعد
يوم 14 اكتوبر..قبل المغرب بشوية..حصل فى المنصورة شىء غريب و يمكن غير مسبوق
مرة واحدة كده من غير اى انذار لقينا السماء بتمطر ثلج شديد ..شديد فى الصلابة ..و شديد فى البرودة
طبعا ردود فعل الناس كانت غريبة جداً..و كعادة الشعب المصرى العصرى..بنحب نقف تحت الشتاء جداً :biggrin:
الصنف الاول من الناس نزل و لعب تحت الشتاء شوية و فكر فى الموضوع على انه شوية مطر و خلاص
و الصنف التانى حاول يترجم الرسالة ..و مش كل القلوب ممكن تترجم رسالة زى دى
عجبتنى جداَ تدوينة الباشموهندس معتز الهوارى على المدونة بتاعته
يا ريت لو كلكم تقرأوه التدوينة دى
و ده فيديو من على اليوتيوب واحد كان صوره ساعة المطر
اللَّهُمَّ اِسْقِ بَلَدك وَبَهِيمك , وَانْشُرْ بَرَكَتك
. اللَّهُمَّ اِسْقِنَا غَيْثًا مُغِيثًا مَرِيئًا مُرِيعًا طَبَقًا وَاسِعًا عَاجِلًا غَيْر آجِل نَافِعًا غَيْر ضَارٍ
اللَّهُمَّ سُقْيَا رَحْمَة لَا سُقْيَا عَذَاب
اللَّهُمَّ اِسْقِنَا الْغَيْث وَانْصُرْنَا عَلَى الْأَعْدَاء
سبحانك اللهم و بحمدك..أشهد أن لا اله الا أنت..أستغفرك و أتوب اليك
مطرنا بفضل الله ورحمته
وكذلك طنطا ولكن كان هناك خسائر آيضا
اللهم امين
خسائر معقول ؟..انا اكبر خسارة شفتها ان كل اجهزة الانذار بتاعة العربيات بدأت تشتغل :cheerful:
جزاكم الله خيرا م/ احمد
وانعم الله على جميع المسلمين بالهداية والتوفيق
كنت في القاهرة اليوم ده ومحضرتوش في المنصورة
جيت المنصورة بعدها المطر نزل في القاهرة
جيت الرياض مشوفتش مطر من ساعة ما جيت
أيه الحكاية ؟؟
بجد ربنا يعينك..بحكم ان الواحد اسكندرانى..مقدرش يعدى عليا الشتاء من غير مطر كتيير
معقول للدرجة دى مفيش مطر فى الرياض ؟!
في اليوم ده على ما افتكر انه كان يوم 14 اكتوبر 2008 شفت مطر في طنطا عمرى ما شاهدته في حياتي من قبل وصوت الرعد كان يهز الدنيا ويصحي النائم ويفزع الناس وكان للمره الأولي يتساقد البرد وهو حبات ثلج كبيرة الحجم من السماء وكنا العصر ومره اخرى كانت اشد قبل المغرب