” الطريق جديد ..  الإبتلاء الذي يكون في أول الطريق محتمل

لنتعلم كيف نتعامل معه ومع مثال حي من واقعنا المعاصر “

للإستماع أو مشاهدة أو تحميل درس بعنوان :

^^ صدمات البداية ^^

توبة الفنانة المعتزلة حلا شيحة

من سلسلة :

(( من هنا التغييــر ))

لفضيلة الشيخ /  هاني حلمي عبد الحميد

اضغط هنــــــــــــــا

اللهم انتقم من عدوك وعدوهم
اللهم انتقم من اليهود المجرمين
اللهم انتقم من اليهود الظالمين
اللهم انزل عليهم رجزك وعذابك اله الحق

الحمد لله و كفى و صلاةً و سلاماً على عباده الذين اصطفى

دايماً كده قبل ما أكتب اى تدوينة بحب اكتب الجملة اللى فوق دى

أجمل حاجة انك تخلى حياتك كلها بتدور حول هدف واحد..حلم واحد..أمل واحد

أن ربنا يرضى عنك

قال رسول الله صلى الله عليه و سلم:

من كانت الأخرة همه جعل الله غناه فى قلبه و جمع له شمله و أتته الدنيا و هيا راغمةو من كانت الدنيا همه جعل الله فقره بين عينيه و فرق عليه شمله و لم يأته من الدنيا إلا ما قدر له

أجمل حاجة انك تحس ان معندكش الا هم واحد..

هم تقيل ؟..أه هم تقيل بس أجمل هم ممكن تشيله

هم دينك..

ساعات بحس ان فيه ناس غاوية انها تعيش حياة صعبة

حياة صعبة جداً..حياة مرة أوى..بلا طعم و لا لون

ممكن يبقوا عايشيين اه..بس لا يمكن يبقوا أحياء

هقولها بصراحة..

عيش زى منتا عايز و اعمل كل اللى انتا عايزه

بس و الله..و ربى..و الذى نفسى بيده

مش هتلاقى أجمل..ولا أعظم..ولا اسهل..و لا اسعد من

أنك تعيش حياتك كلها مخلصة خالصة لوجه الله الكريم..و اتباعاً لسنة نبيه صلى الله عليه و سلم

النهارده يوم عرفة (بما انى بكتب الموضوع ده الساعة 3 الصبح  )..و زى ما كلنا حافظين الحديث

“صيام يوم عرفه أحتسب على الله أن يكفر السنة التي قبله والسنة التي بعده “رواه مسلم

ما أرحمك يا رب..ترسل الينا بمواسم الطاعات بعضها تلو الاخر..

اللهم اعنا على ذكرك و شكرك و حسن عبادتك

اللهم و لا تخزنا بما فعلنا من ذنوب

اللهم و افتح علينا من الطاعات ما ترضى بها عنا

اللهم و تب علينا و على جميع المسلمين و المسلمات فى جميع أنحاء الارض

كل الناس تشد حيلها يا شباب..

صيام.قيام..اعتكاف..قران..دعوة..صدقة..تأليف قلوب

اعمل اى عمل و لو كان فى عينك صغير..

مين عارف انهم عملك هيدخلك الجنة ؟ 

لا تنسوا الدعاء لأخوانكم فى غزة بالله عليكم

أكمل معكم لاحقاً إن شاء الله تعالى

سبحانك اللهم و بحمدك..أشهد ان لا اله إلا أنت..أستغفرك و أتوب إليك

بعد الحمد لله و الصلاة و السلام على رسول الله ثم أما بعد..

النهارده هكلمك عن مجهود جميل جدا لأخ مسلم من أمريكا لكن الراجل الصراحة عامل شغل رائع فى الدعوة..سواء كانت دعوة مسلمين أو غير مسلمين.

الأخ ده اسمه على (او بابا على..هبقا اشوف ايه موضوع بابا ده), و الفكرة كلها انه بدأ بعمل افلام قصيرة كان هدفها الاساسى هى عمل افلام تكون بشكل فكاهى و لا يكون فيها أى أخطاء شرعية و تدور مواضيع الافلام دى عن مواضيع دعوية كتيرة تخص المسلم فى حياته كلها

الجميل انه بدأ يحط الفيديوهات دى على اليوتيوب..و بقا ليها شعبية قوية جداً..لدرجة انهم بيفكروا يعملوا فيلم كامل دلوقتى

كل الفيديوهات اللى انا اتفرجت عليها لحد دلوقتى مظنش كان فيها مخالفات شرعية..ربنا يزيد و يبارك

دى جزء من الموقع بتاعهم بيشرحوا فيه غرض الموقع

Ummah Films is a Muslim film company that strives to provide Halaal (Islamically permissible) entertainment to Muslims and non-Muslims alike. We are not affiliated with any particular movement, sect, group, etc. We absolutely condemn in the strongest terms terrorism and any extremism done in the name of Islam and we refuse to associate ourselves with those who practice and condone such behavior and thoughts.

هتلاقو الافلام كلها هنا

اسيبكم بقا مع كام فيديو من اللى عجبونى

Why Islam

www.youtube.com/watch?v=p2Clk5lNUdQ

www.youtube.com/watch?v=3o6kpCLDMVg

الحمد لله و كفى و صلاة و سلاما على عباده الذين اصطفى ثم أما بعد

كنت النهارده بقرأ فى كتاب ممتع جدا للشيخ محمد اسماعيل المقدم -حفظه الله- , الكتاب اسمه “فقه الحياء” و طبعا من الاسم الكتاب بأكمله بيتكلم عن خلق الحياء..

الكلام منقول من كتاب لابن القيم -رحمه الله- اسمو “الجواب الكافى” , مشهور جدا و يمكن من اشهر كتب ابن القيم و كتبه كلها قيمة عموما

قال الامام المحقق ابن القيم الجوزية -رحمه الله تعالى- و هو يعدد عقوبات الذنوب و المعاصى:

ومن عقوباتها – أي الذنوب والمعاصي – ذهاب الحياء الذي هو مادة الحياة للقلب , وهو أصل كل خير , وذهابه ذهاب كل خير بأجمعه وفى الصحيح أنه قال صلى الله عليه وسلم “الحياء خير كله” وقال “أن مما أدرك الناس من كلام النبوة الأولى :”إذا لم تستحي فاصنع ما شئت” الى ان قال -رحمه الله- : و المقصود أن الذنوب تُضعف الحياء من العبد حتى ربما انسلخ منه بالكلية, حتى ربما انه لا يتأثر بعلم الناس بسوء حاله, ولا باطلاعهم عليه, بل كثير منهم يخبر عن حاله و قبح ما يفعله, و الحامل له على ذلك انسلاخه من الحياء, و اذا رأى ابليس طلعة وجهه حياه, و قال: “فُديت من لا يُفلح”, و من لا حياء فيه ميت فى الدنيا, شقى فى الاخرة, و بين الذنوب و قلة الحياء و عدم الغيرة تلازم من الطرفين, و كل منهما يستدعى الاخر, و يطلبه حثيثا, و من استحيا من الله عند معصيته , استحيا الله من عقوبته بوم يلقاه, و من لم يستح من معصيته, لم يستح الله من عقوبته.

و قال أيضا -رحمه الله تعالى-: و منها أنه ينسلخ من القلب استقباحها, فتصير له عاجة, فلا يستقبح من نفسه رؤية الناس له, و لا كلامهم فيه, و هذا عند أرباب الفسوق هو غايه التفكه و تمام اللذة, حتى يفتخر أحدهم بمعصيته, و يحدث بقا من لم يكن يعلم أنه عملها, فيقول: “يا فلان عملت كذا و كذا”, و هذا الضرب من الناس لا يُعافون, و يُسد عليهم طريق التوبة, و تُغلق أبوابها فى الغالب, كما قال النبى -صلى الله عليه و سلم-: “كل أمتى معافى الا المجاهرين, و ان من الاجهار: أن يستر الله على العبد, ثم يصبح يفضح نفسه, و يقول: (يا فلان, عملت كذا و كذا: كذا و كذا), فيهتك نفسه, و قد بات يستره ربه”

فاللهم أهدنا لأحسن الاخلاق لا يهدى لأحسنها الا أنت..و أصرف عنا سيئها لا يصرف سيئها الا أنت

سبحانك اللهم و بحمدك..أشهد أن لا اله الا أنت..أستغفرك و أتوب اليك

الحمد لله و كفى و صلاة و سلاما على عباده الذين اصطفى

ثم أما بعد

فاللهم لك الحمد حمدا كثيرا طيبا مباركا فيه كما ينبغى لجلال وجهك و عظيم سلطانك..حمدا كثيرا طيبا مباركا فيه كما تحب يا ربنا و ترضى..حمدا ملىء السماوات و ملىء الأرض و ملىء ما شئت يا ربنا من شىء بعد..لك الحمد حتى ترضى و لك الحمد اذا رضيت و لك الحمد بعد الرضا

أولا احب ارحب بكل واحد بيزور المدونة هنا و انا بس حبيت اشرح فى اول تدوينة ليا المدونة هيبقا فيها ايه بالظبط

:المدونة هتنقسم لقسمين رئيسين

:القسم الاول عن اسلامنا: و هناقش فيها ان شاء الله مواضيع كتيرة سواء كانت فى عقيدتنا او فقه او مواضيع دعوية بشكل عام و ده لانى لقيت ان الواحد سعات بيقرأ او بيسمع اخبار او معلومات بيبقى فعلا حرام عليا انى مبلغهاش فان شاء الله المدونة هتكون الوسيلة اللى ابلغكم بيها عن الحاجات دى

اما القسم التانى من المدونة فهيكون تقنى و هيبقا جزء كبير جدا منو ان مكنش كلو فى جانب تكنولوجيا المعلومات سواء كان لينوكس او شبكات او برمجة ..الخ الخ الخ

عايز بس اوضح ان اللغة الاساسية للمدونة هتبقا عربى ان شاء الله.. و أتمنى ان كل الناس تخلى لغة المدونات عربى لأنها لغة القران و لغة أهل الجنة طبعا

و هيبقا فى تدوينات بالانجليزى دى غالبا هتبقا تقنية لكذة سبب منها عشان الناس اللى مبيعرفوش عربى يعرفو يقرأوها و منها ان الواحد يحافظ على الانجليزى

بس..هو ده الكلام اللى كنت عايز اوضحو قبل ما أبدا المدونة و اسأل الله عز و جل ان يجعل كل أعمالنا خالصة لوجهه الكريم و ان يغفر لنا الزلل و يتجاوز عن السيئات

سبحانك اللهم و بحمدك..أشهد الا اله الا انت..أستغفرك و أتوب اليك