الحمد لله و كفى و صلاةً و سلاماً على عباده الذين اصطفى ثم أما بعد
شوية أخبار تقنية كده فى السريع قلت ممكن تستفادو منها.. 
أبونتو8.10
من كام يوم كده نزل طبعاً اوبونتو 8.10 ..فيه كام حاجة كده لازم تاخد بالك منهم
- This is not a LTS release, LTS means “Long Time Support”
ده معناه ان الاصدار ده مش هيبقا ثابت اوى زى اى اصدار له دعم طويل المدى
- فيه مشاكل كتير متعلقة ب ال
3D-Effects “Compiz”
- فيه تحسن واضح فى سرعة ال
Booting
- و تعديلات ظريفة جداً فى ال
Gnome User Interface
iPhone هينزل مصر
بعد انتظار طويل جداً و العديد من التليفونات المستوردة من الخارج أخيراً موبيل أبل هينزل مصر
فودافون و موبينيل عملو تعاقد مع أبل على انهم يبعوا الموبيل
المفروض ان أبل بتبيع الموبيل ده ب199 دولار و ده معناه تقريباً بالمصرى 1300 جنيه
الله أعلم بقا فودافون و موبينيل هيبيعوه بكام بس المفروض انه هينزل بسعر قريب من ده
تقدر تحجز ال
iPhone
بتاعك من هنا على موقع فودافون
تعديل: السعر اللى بتبيع بيه شركة
AT&T in America is $399
و اسعار فودافون هنا فى مصر هتلاقوها هنا
avant-window-navigator
لو بتحب تخلى سطح المكتب بتاعك زى
Apple Mac OS X
يبقا لازم يبقا عندك
Dock
فيه كذا نوع منه للينوكس بس أجمد واحد هو
Avant Window Navigator
لدرجة انه فيه امكانيه ال
stacks
لو شغال أوبنتو و عايز تنزلو اكتب الاتى فى التيرمنال
sudo apt-get install avant-window-navigator
Diigo : migrating from delicious
دي-جو ده موقع جديد نسبياً فى موضوع ال
social bookmarking
بس فيه امكانيات قوية جداً منهم
انك ممكن تعلم على حتة معينة فى الصفحة عشان تاخد بالك منها
و ممكن تبعت رسائل لصحابك على دى-جو عن لينك معين و دى مش موجودة فى ديليشوس
و كمان ممكن تنقل من ديليشوس لدى-جو بمنتهى السهولة
غالباً الايام اللى جاية هنقل لدى-جو
دى كانت شوية اخبار كده نفعتنى و كنت عايز اقولكم عليها 
سبحانك اللهم و بحمدك..أشهد أن لا اله إلا أنت..أستغفرك و أتوب إليك
السلام عليكم ورحمة الله وبركاته
بسم الله ما شاء الله
-
أخبار كلها سعيدة الحمد لله
- مش عارف ليه بنربط كلمة أخبار بحااجات وحشة
بس مش فاهم حكاية ال LTS
دي
أصل أنا جايبها النهاردة وكنت عايز أسطبها مع الفيدورا
انت كدا خوفتني
بالنسبة لل i-Phone
جميل قوي
بس مفيش أخبار عن اتصالات
انطلق
وجاري تجريب
Diigo & avant-window-navigator
بوركت
Thanks Ahmed Basha
@TeVa:
و عليكم السلام و رحمة الله و بركاته
عندك حق بالنسبة لموضوع الاخبار ده..الواحد بقا بيشتاق انه يسمع اخبار عدلة
موضوع ال LTS
النسخة دى مفيهاش اى مشاكل بس بالنسبة للدعم من
Canonical inc.
هيبقا لأخر 2009 فقط مش زى 8.04 اللى الدع بتاعها 5 سنين من اصدارها
بس هيا شغالة تمام و فيها شغل اقوى من 8.04 بالذات فى ال
look and feel, eye-candy
و من تحربتى الشخصية
Very fast booting, very fast hibernating
على فكرة ال iphone
ممكن تعملو jailbreak
و تشغل عليه اى شبكة اصلاً..الناس اللى اشترتو قبل كده من امريكا مع شركة
AT&T
لما جم مصر شغلوه عادى بس طبعاً بعد ال
Jailbreak
@MMF:
لا ثانكس على واجب
شكرا يا جميل على الاخبار الحلوة ده
انا رديت اه
و انتا متعرفش انا سعيد اد ايه بردك يا سيدى
خلينا نشوفك اون لاين عشان نطمن عليك
ربنا معاك
فودافون لسه بعتالى الرسالة دى على تليفونى
“Great News! The Apple iPhone 3G you registered for; will be available tomorrow at Vodafone stores.Visit your nearest store & get it!!”
ده معناه انه نازل بكره خلاص ان شاء الله
هبقا اقولكم اخبار سعره ايه ان شاء الله اول ما اعرف
ربك يسهل
بس انا شايف الاسعار على الموقع ناااااار
ايه رأيك ؟
ناااااااااااااار جداً
المفروض ان
AT & T
بتبيع النوع الاول ب399 دولار
يعنى بالمصرى كده قول 2000 و كسر
يبيعوه هما بقا فى مصر ب3800
لييييييه يا جدعان